Wir ein wiekend vol verrassingen!

Zoa, naa get tentames va mich en get wirkoere van ‘t Anne (want dat geit natuurlijk auch geweun durch) waor ‘t aafgelaupe vriedig weer tied um drop oet te trékke en waal nao cv d’r Vooseschtoets in Ieëpe.
Nao verscheije versjnaperinge en ‘t fillesetre va mede tamboer en prins Maikel 1 en zien prinses waor ‘t veur ôs tied um truugk te kière nao ‘t Waterratte riek, want dao waor ‘t Carnabal in de voetbalkantien (va Sjtröch) al vôl aan de geng.

Wie veer hie in ein lang polonaise nao binne lepe begôs ‘t fiès veur ôs eigelijk vriewaal direk. Mit o.a. optraejes van de Opa’s (aka Oud Prinse Asosjasie), de Geliënde en de Molliemeekersj höbbe veer same mit jeugprins Raiko en zien jeugprinses Skye (en eine hièle haup jeug va Sjin en ein flinke delegasie van de Sjin Romanos) flink polonaise gelaupe, geroeid, gesjprônge en höbbe veer flink sjtaon hakke.

Op e gegaeve moment waor ‘t tied um d’r sjterspeler va sv Geuldal bekind te make, nao ein hièl leuk ineingezat filmpke mit versjillende kandidate die aan ‘t woord kaome woord ich de buun op gerope um d’r Phil van Oers oet te rope tot nuje sjterspeler va sv Geuldal. Hienoa waor ‘t aan d’r dj um nog “effe” gaas te gaeve en ich môt zégke dat höbbe veer auh waal ech gedaon.
Nao e paar uurkes sjlaope en get uurkes vertoeve bie de Hanos kaom ich heim wo de ganse sjtraot flink aan de geng waor mit ‘t versere van ’t hoes en dat höbbe ze sjoan gedaon.
Este noe d’r Breiwaeg inveusj is ‘t eigelik ein lang prinse sjtroat tot aan d’r Kirkplei. ‘t Saoves ginge veer prins Marcel 2 en zien prinses Anita bie CV de Puime i Wielder fillesetere, meh durch e drök programma mit optraejes va o.a. de Shakin’ dj’s, de Geliènde en hièl get carnavalsvereiniginge leep ‘t allemaol get oet. Wie veer truugk kaome i Sjin waor d’r ein wisseling va de prinsenwach wodurch veer i vol ornaat nao d’r verjäördaag va d’r Mark en ‘t Melanie zint kinne gaon.

‘t Zôndes waore veer es prinsepaar oetgenuèdigd um mit e paar sponzore va de Blauw Sjuut mit te gaon nao d’r Sjelmetaore i Haelder, wat de thoesbasis is va de Blauw Sjuut zelf.
Dat waor gans sjoan um mit te make, want doe kins dich neet veursjtélle wieväöl tradisies de Blauw Sjuut eigenlijk waal neet haet. Veer höbbe ein rôndleiding gehad tot baove in d’r toare wo veer ein lés in de gesjiedenis van de vastelaovend, de Blauw Sjuut en Haelder höbbe gehad. Wis deer dat d’r auch Bokkeriejesj gevange höbbe gezaete in de kasjotte baovenin dae taore? Dit waor ein van de väöle leuke weitjes euver d’r Sjelmetaore.
Hienao zin veer same nog eine gaon drinke in Haelder en dáonao zunt veer weer truugk gevare nao Sjin.

Noe wir get biesjlaope en volgende waek wir volle gaas!

Alaaf

Foto’s: Rob Kessels

D’r polonaisetrein dendert durch

Leef luuj, veerbeginne bie ’t vurrig wiekend.
‘t Vriedes hauwe veer bie de Waterratte eine vrieje agenda. Ôs waor ter oare gekômme dat ‘t jeugprinsepaar dae aovend foto’s ging bringe, dus nao e verjäördaagsfièske zin v’r i burger nao cafe A ge Pannes gegange um ôs nog effe te ammezere mit de Watterretjes, wat achteraaf nog bés laat is gewore.
’t Zaoterdigs begôs ôs programma wir, mit es ièsjte de opnames van “’t Vastelaoves Kaffee” va TV Vallekeberg in “Leeuw aan de Brögk”, mit versjillende optraejes va o.a. Beppie Kraft en Katja Henz. Veer woorte hiej same mit nog get anger prinsepare oet Groat Vallekeberg geïntervjoewd en ‘t waor eine hièle gezellige middig. ’t Saoves zunt veer nao de Prinsezitting i Sjuèlder gewaes, ‘t Programme van CV de Moelemaekersj kôste vergelieke mit ‘tt vreuger Rattinee va Sjin, mit hièl väöl leuke optraejes van luuj va Sjuèlder, ein gezellige zitting mit väöl humor oet eige dörp.
’t Zôndes waor de resepsie van de Kaatboere i Kunder, jaomer genôg môste de Kaatboere op mien eige resepsie vreuger vertrékke umdat zie nog anger verplichtinge hauwe, meh op hun resepsie mochte veer metein filleseter wodurch veer ôs daonao nog gezellig “eine” kôste drinke. Trouwes prachtig um te zeen wie de luuj dao d’r ganse plefông mit balônne verseerd hauwe en ich kin uch vertélle dat ’t eine grellig groate zaal waor.
Dan op nao aafgelaupe wiekend: t Zaoterdigs wie ich truugk kaom va mien biebaantje bie de Hanos waore de mansluuj oet de sjtraot al bezig mit versere,en ze höbbe flink gaas gegaeve want’ t begint al e bietje op eine echte Prinsetempel te lieke meh de volgende waek make ze ’t mit de vrouwluuj same gans vaerdig.
‘t Saoves waor de Prinsezitting i Bemele en wat ich ech sjiek vông waor um te zeen mit wieväöl lede veer dao nao binne lepe, neet ein, twiè meh drie taofele lank zoogste de patsje van de Watterrate ziete, meh dat ziete waor ‘t’m toch neet.
Dao waor durch de drökte ech neet väöl plaatsj um väöl polonaise laupe dus höbbe veer de taofele op de benk gesjtapeld en daonao flink wiejer gefiès.
Zôndig waore veer t vrouwluujdreigestirn van de Öss oet Eys gaon fillesetere, biezônder um te zeen, zoa Dreigestirn. Ich höb mich laote vertélle dat dat neet déks veurkump en dat het in Kölle dékker veurkump meh dat ‘t in de sjtad zelf dan bestjeit oet drie mansluuj en in de umliegende dörpe auch dékker vrouwluuj zunt. ‘t Waor erg drök in Eys, meh dat wilt neet zégke dat ‘t daorum minder gezellig waor. Auch dao höbbee veer weer flink get aan oos kondisise kinne doon.

Noe ein paar daag aom haole um ‘t volgend wiekend weer flink van laer te kinne riete,
Alaaf!

D’r Waterrattegids noe ouch online te leaze

D’r Waterrattegids is noe ouch online te leaze!

Klik op de afbeelding um ‘m te bekieke!

Dank allenej!

Aan alle vereiniginge, vrung, femilie, carnevalisten, helde en heldinnen, want dat zeet deer: helde. Dat deer zoea eine daag meugelik kint make veur ôs, is onbesjriefelik. Auch dat de luuj in Sjin hie aan kinne zeen wie de carneval in Sjin eigenlijk waal neet bekind sjteit in ‘t Heuvelland en auch dao boete. Dao maoge veer ech gruètsj op zeen. Zoea voolte Prinses Anne en ich ôs auch ech e zôndig: gruètsj.

Dat veer veurop maoge laupe in de Sjinse carneval is ein ièr.

Neet te besjrieve is de massa luuj, hendjes, punekes, kedos en fillesetasies die veer höbbe maoge ontvange. Dat hauwe veer noeats va teveure maoge druime, laot sjtaon werkelijkheid waere.

‘t Wiekend begôs euverigges al e vriedig mit de resepsie van d’r jeugprins Raiko en de jeugprinses Skye, wat ech e leuk fièske waor! Wovan veer haupe dat d’r nog väöle va zulle volge. Naodat v’r ôs e zaoterdig wir gewesje en gesjtreke hauwe zunt v’r ièsj nog effe nao Kirkrao West gewaes, wo bie toeval, auch eine sjötter prins is gewore. Nao e bliksembezeuk zunt veer mit de Raod va 11 nao de resepsie va prins Maurice in Vallekeberg gewaes. ‘t Waor veur mich d’r ièsjte kièr, e fièske in de gemeintegrot, meh gezellig höbbe veer ‘t dao wel nog gemak (en d’r nao in d’r Proemehook auch).

Nao de ièsjte “externe” aktiviteite, wie me dat dan neump, waor ‘t tied veur ôs eige resepsie. En wat höbbe veer genaote. ‘t Waore, es ich d’r zoea effe op truugk kiek, väöl ièsjtes aafgelaupe wiekend, meh veural gein lètstes! Want wat höbbe veer nog effe gaas gegaeve nao de resepsie. Wat e fiès, daorum auch jekereine bedank veur de fillesetasies en gôw zörg, e drie maol kreftig alaaf, zoea wie d’r Wiel dat zoea sjoean zaet: de Waterretjes, alaaf. De Waterratte, alaaf. Sjin, alaaf.

Dank allenej!

Oetsjlaag Tombola

Op zôndig d’r 15e jannewarie waort op de resepsie van Prins Bart I eine tombola gehaute.
Hiè onger zuut geer d’r oetsjlaag.

Prijs Lotnummer
Hoofdprijs – Weekend in Narvik Homeparc Heelderpeel Wit 550
Tegoedbon van Nail & Beatysalon Andrea ter waarde van €50,- Groen 302
Huis telefoon Wit 862
Pennenset Groen 184
Pennenset Wit 487
Laptop tas Wit 652
Rugzak grijs/blauw Groen 354
Koeltas met picknickset Groen 828
Beauty set Vanilla Wit 572
Fleece deken Rose 251
Voucher Party Bowling Centrum Walem Wit 224
Voucher Party Bowling Centrum Walem Groen 138
Voucher Party Bowling Centrum Walem Wit 230

Höb geer ein van dees pries gewonne? Vul dan ondersjtaond formuleer in en veer numme contact mit öch op.

Vanwege een systeemfout geeft dit formulier niet aan of het verzonden is. U ontvangt een e-mail ter bevestiging. We werken er hard aan om deze fout zsm op te lossen

Facebook

Kalender